कविता

झुळुक

कविता कशी सुचते? अचानक वीज गेली, क्षणार्धात घामेजलो. तेव्हढ्यात कुठूनशी वाऱ्याची झुळूक आली आणि ओठावर शब्द उमटले,

झुळुक

कुठुनशी येई
थंड झुळूक वाऱ्याची
तापल्या तनूला मिळे
थंडाई हवीहवीशी

तप्त रवि ओकतो
अंगार अवकाशातूनी
हिरव्या चैत्रपालवीला
किनार जणू ग्रीष्मदीनी

पशुपक्षी होती मलूल
क्लांत दिशाहीन
शोधती निवारा आडोशाला
दिनचर्या जणू प्रतिदिन

आता प्रतीक्षा मेघांची
गरजणाऱ्या शाम घनांची
गरजत बरसत येतील
तृषा शांत करण्या धरणीची

⁃ शशांक

शशांक पुरंदरे 27/04/2024