कविता

येउ दे ओठांवरी

---

"होशवालों को खबर क्या", या जगजीत सिंग यांच्या सुप्रसिध्द गझलचा स्वैर मराठी अनुवाद

येऊदे ओठावरी तव
गुपित हे ह्रृदयातले
प्रेम कर अन् ऐक वेडे
सूर हे जगण्यातले

भेट झाली दोन वेड्या
लोचनांची ही कशी
आज कळले या मनाला
गूढ हे प्रेमातले

मोकळ्या केसांत तुझिया
षड्ऋतूंचे काव्य हे
झुकलेल्या नजरेत तुझिया
कल्पनेतील गाव हे

शब्दी मी गुंफू न शकलो
या मनातील भाव हे
उमजले नाहीच तुजला
मन्मनीचे ठाव हे

ही गझल माझा मित्र अभिजित राजे याने संगीतबध्द करून गायली आहे. youtube video