लघुकथा

हनिमून

---

(रात्रीचे अकरा वाजले आहेत. रचनाचा मोबाईल वाजतो.)

रोसेश: हलो रोचना, सो गयी क्या?

रचना: रोसेश, इतक्या रात्री फोन? काय झाले?

रोसेश: काही नाही, तमारी याद आई!

रचना: अरे, मम्मी, पापा, जागे आहेत. ऐकतील न!

रोसेश: मग? आता शादी आहे ना आपली!

रचना: आहे, झाली नाही अजून!

रोसेश: त्या करताच फोन केला होता. आपले सुरतला डेसिग्नेशन वेडिंग आहे ना!

रचना: डेस्टिनेशन वेडिंग!

रोसेश: चोकस! सुरतला दिनेश अंकलचा वेडिंग होल आहे. मोठा फार्म हाउस आहे. चार दिवस वेडिंग चालेल.

रचना: व्वा! किती मस्त!

रोसेश: तमारे माटे डायमंड ज्वेलरी घेतली आहे. लेब डायमंड! स्वस्त अने मस्त! दिनेश अंकलचा कारखाना आहे. पण मी फोन तेसाठी नाय केला. हनिमून डिसकस करायचा आहे तमारे साथे!

रचना: हनिमून डिसकस नसतो करायचा, एन्जॉय करायचा असतो!

रोसेश: अरे सुनो तो सही! मारा पापा इस्रो चेरमन का दोस्त छे. आपण हनिमूनला मुनवर जाणार!

रचना: हे इस्रो काय आहे?

रोसेश: अरे ते नाय का आकाशात चांद्रयान उडवतात. त्यात बसून मुनवर जाणार आपण!

रचना: काय? तू थोडी घेतली आहेस का?

रोसेश: इथे दारुबंदी आहे. मिळत नाही.

रचना: फेकू नको. जास्त दारु तर गुजरातमध्ये विकते.

रोसेश: सुन ना! एक ट्रावेल कंपनी आहे. वन डे वन नाईट पेकेज देते आहे.

रचना: फक्त एक नाईट?

रोसेश: मुनवर एक नाईट १४ दिवसांची असते. म्हणजे किती धमाल येईल बघ. १५ व्या दिवशी नंतर मुनची सफर.

रचना: पण तिथे हवा पाणी नाही आहे ना?

रोसेश: पेकेजमध्ये एसी रूम आणि बिसलेरी पाणी असेल. नाश्त्याला फ्रोझन फाफडा जलेबी, लंचला गुजराथी थाली, अने रात्री स्पेशल उंधियो! डेली वोडका अने विस्की बोतल!

रचना: पण मुनसफारी कशी करणार?

रोसेश: स्पेससूट घालून. त्यांची स्पेशल गाडी असणार.

रचना: पण खूप पैसे लागतील ना?

रोसेश: तेची चिंता नाय. मुकेश भाईची जिओ कंपनी लोन देणार. आजच लिस्टिंग झालाय कंपनीचे!

रचना: मग बुकिंग केलंय का?

रोसेश: हो.

रचना: किती तारखेचे?

रोसेश: २३ ऑगस्ट!

रचना: पण आपले लग्न तर ऑक्टोबर मध्ये आहे.

रोसेश: तू पण म्याड आहेस. अरे २०३५ चे बुकिंग आहे.

रचना: १२ वर्षांनी हनिमून?

रोसेश: शादी पण १२ वर्षांनी करणार ना!

रचना: काय? म्याड मी नाही, तू आहेस. (फोन कट करते.)